क्षेत्र और क्षेत्रज्ञ के भेद का योग

इदं शरीरं कौन्तेय क्षेत्रमित्यभिधीयते ।एतद्यो वेत्ति तं प्राहुः क्षेत्रज्ञ इति तद्विदः ॥

idaṃ śarīraṃ kaunteya kṣetramityabhidhīyate |etadyo vetti taṃ prāhuḥ kṣetrajña iti tadvidaḥ ||

श्रीकृष्ण कहते हैं: हे अर्जुन, इस शरीर को क्षेत्र कहा जाता है। जो इसे जानता है, उसे तत्त्व जानने वाले लोग क्षेत्रज्ञ, यानी क्षेत्र को जानने वाला, कहते हैं।

तत्क्षेत्रं यच्च यादृक्च यद्विकारि यतश्च यत् ।स च यो यत्प्रभावश्च तत्समासेन मे शृणु ॥

tatkṣetraṃ yacca yādṛkca yadvikāri yataśca yat |sa ca yo yatprabhāvaśca tatsamāsena me śṛṇu ||

वह क्षेत्र क्या है, कैसा है, उसमें कौन से बदलाव होते हैं और वह कहाँ से आया है; और क्षेत्रज्ञ कौन है और उसकी शक्ति क्या है, यह मुझसे संक्षेप में सुनो।

ऋषिभिर्बहुधा गीतं छन्दोभिर्विविधैः पृथक् ।ब्रह्मसूत्रपदैश्चैव हेतुमद्भिर्विनिश्चितैः ॥

ṛṣibhirbahudhā gītaṃ chandobhirvividhaiḥ pṛthak |brahmasūtrapadaiścaiva hetumadbhirviniścitaiḥ ||

ऋषियों ने इसे कई तरह से, अलग-अलग वैदिक छंदों में गाया है, और ब्रह्मसूत्र के तर्कपूर्ण और निश्चित वचनों में भी इसका वर्णन है।

महाभूतान्यहंकारो बुद्धिरव्यक्तमेव च ।इन्द्रियाणि दशैकं च पञ्च चेन्द्रियगोचराः ॥

mahābhūtānyahaṃkāro buddhiravyaktameva ca |indriyāṇi daśaikaṃ ca pañca cendriyagocarāḥ ||

पाँच महाभूत, अहंकार यानी 'मैं' का भाव, बुद्धि, अव्यक्त प्रकृति, दस इंद्रियाँ और एक मन, और इंद्रियों के पाँच विषय,

इच्छा द्वेषः सुखं दुःखं संघातश्चेतना धृतिः ।एतत्क्षेत्रं समासेन सविकारमुदाहृतम् ॥

icchā dveṣaḥ sukhaṃ duḥkhaṃ saṃghātaścetanā dhṛtiḥ |etatkṣetraṃ samāsena savikāramudāhṛtam ||

इच्छा, द्वेष, सुख, दुःख, शरीर का पूरा ढाँचा, चेतना और धृति (धीरज): संक्षेप में यही अपने बदलावों सहित क्षेत्र कहा गया है।

अमानित्वमदम्भित्वमहिंसा क्षान्तिरार्जवम् ।आचार्योपासनं शौचं स्थैर्यमात्मविनिग्रहः ॥

amānitvamadambhitvamahiṃsā kṣāntirārjavam |ācāryopāsanaṃ śaucaṃ sthairyamātmavinigrahaḥ ||

घमंड न होना, दिखावा न करना, अहिंसा, सहनशीलता, सरलता, गुरु की सेवा, पवित्रता, स्थिरता और अपने मन पर संयम,

इन्द्रियार्थेषु वैराग्यमनहंकार एव च ।जन्ममृत्युजराव्याधिदुःखदोषानुदर्शनम् ॥

indriyārtheṣu vairāgyamanahaṃkāra eva ca |janmamṛtyujarāvyādhiduḥkhadoṣānudarśanam ||

इंद्रियों के विषयों से वैराग्य, अहंकार का न होना, और जन्म, मृत्यु, बुढ़ापे और रोग में छिपे दुःख और दोष को बार-बार समझना,

असक्तिरनभिष्वङ्गः पुत्रदारगृहादिषु ।नित्यं च समचित्तत्वमिष्टानिष्टोपपत्तिषु ॥

asaktiranabhiṣvaṅgaḥ putradāragṛhādiṣu |nityaṃ ca samacittatvamiṣṭāniṣṭopapattiṣu ||

आसक्ति न होना, पुत्र, पत्नी, घर आदि में बहुत अधिक न उलझना, और मनचाही या अनचाही बात होने पर भी मन को सदा सम रखना,

मयि चानन्ययोगेन भक्तिरव्यभिचारिणी ।विविक्तदेशसेवित्वमरतिर्जनसंसदि ॥

mayi cānanyayogena bhaktiravyabhicāriṇī |viviktadeśasevitvamaratirjanasaṃsadi ||

एकनिष्ठ योग से मुझमें अटल भक्ति, एकांत स्थान में रहने की रुचि, और लोगों की भीड़ में मन न लगना,

अध्यात्मज्ञाननित्यत्वं तत्त्वज्ञानार्थदर्शनम् ।एतज्ज्ञानमिति प्रोक्तमज्ञानं यदतोऽन्यथा ॥

adhyātmajñānanityatvaṃ tattvajñānārthadarśanam |etajjñānamiti proktamajñānaṃ yadato'nyathā ||

आत्मज्ञान में सदा लगे रहना और तत्त्व को जानने के उद्देश्य को ध्यान में रखना: इसे ज्ञान कहा गया है; जो इसके उलट है, वह अज्ञान है।

ज्ञेयं यत्तत्प्रवक्ष्यामि यज्ज्ञात्वामृतमश्नुते ।अनादि मत्परं ब्रह्म न सत्तन्नासदुच्यते ॥

jñeyaṃ yattatpravakṣyāmi yajjñātvāmṛtamaśnute |anādi matparaṃ brahma na sattannāsaducyate ||

अब मैं वह बताऊँगा जिसे जानना चाहिए, जिसे जानकर मनुष्य अमरता पाता है: वह अनादि परम ब्रह्म है, जिसे न सत् कहा जाता है, न असत्।

सर्वतः पाणिपादं तत्सर्वतोऽक्षिशिरोमुखम् ।सर्वतः श्रुतिमल्लोके सर्वमावृत्य तिष्ठति ॥

sarvataḥ pāṇipādaṃ tatsarvato'kṣiśiromukham |sarvataḥ śrutimalloke sarvamāvṛtya tiṣṭhati ||

उसके हाथ-पैर सब ओर हैं, आँखें, सिर और मुख सब ओर हैं, कान सब ओर हैं; वह संसार में सबको घेरकर स्थित है।

सर्वेन्द्रियगुणाभासं सर्वेन्द्रियविवर्जितम् ।असक्तं सर्वभृच्चैव निर्गुणं गुणभोक्तृ च ॥

sarvendriyaguṇābhāsaṃ sarvendriyavivarjitam |asaktaṃ sarvabhṛccaiva nirguṇaṃ guṇabhoktṛ ca ||

वह सब इंद्रियों की शक्तियों में झलकता है, फिर भी सब इंद्रियों से रहित है। वह अनासक्त है, फिर भी सबको सँभालता है; गुणों से परे है, फिर भी गुणों का अनुभव करता है।

बहिरन्तश्च भूतानामचरं चरमेव च ।सूक्ष्मत्वात्तदविज्ञेयं दूरस्थं चान्तिके च तत् ॥

bahirantaśca bhūtānāmacaraṃ carameva ca |sūkṣmatvāttadavijñeyaṃ dūrasthaṃ cāntike ca tat ||

वह सब प्राणियों के बाहर भी है और भीतर भी, अचल भी है और चल भी। बहुत सूक्ष्म होने के कारण उसे जानना कठिन है; वह दूर भी है और पास भी।

अविभक्तं च भूतेषु विभक्तमिव च स्थितम् ।भूतभर्तृ च तज्ज्ञेयं ग्रसिष्णु प्रभविष्णु च ॥

avibhaktaṃ ca bhūteṣu vibhaktamiva ca sthitam |bhūtabhartṛ ca tajjñeyaṃ grasiṣṇu prabhaviṣṇu ca ||

वह अविभाजित है, फिर भी प्राणियों में बँटा हुआ सा दिखता है। उसे प्राणियों का पालन करने वाला, उन्हें अपने में समेटने वाला और उन्हें उत्पन्न करने वाला जानो।

ज्योतिषामपि तज्ज्योतिस्तमसः परमुच्यते ।ज्ञानं ज्ञेयं ज्ञानगम्यं हृदि सर्वस्य विष्ठितम् ॥

jyotiṣāmapi tajjyotistamasaḥ paramucyate |jñānaṃ jñeyaṃ jñānagamyaṃ hṛdi sarvasya viṣṭhitam ||

वह सब ज्योतियों की भी ज्योति है और अंधकार से परे कहा गया है। वही ज्ञान है, वही जानने योग्य है और ज्ञान से वही पाया जाता है; वह सबके हृदय में स्थित है।

इति क्षेत्रं तथा ज्ञानं ज्ञेयं चोक्तं समासतः ।मद्भक्त एतद्विज्ञाय मद्भावायोपपद्यते ॥

iti kṣetraṃ tathā jñānaṃ jñeyaṃ coktaṃ samāsataḥ |madbhakta etadvijñāya madbhāvāyopapadyate ||

इस तरह क्षेत्र, ज्ञान और जानने योग्य विषय संक्षेप में बताए गए। मेरा भक्त इसे जानकर मेरे स्वरूप को पाने योग्य बनता है।

प्रकृतिं पुरुषं चैव विद्ध्यनादी उभावपि ।विकारांश्च गुणांश्चैव विद्धि प्रकृतिसंभवान् ॥

prakṛtiṃ puruṣaṃ caiva viddhyanādī ubhāvapi |vikārāṃśca guṇāṃścaiva viddhi prakṛtisaṃbhavān ||

प्रकृति और पुरुष, दोनों को अनादि जानो। यह भी जानो कि सारे विकार और गुण प्रकृति से ही उत्पन्न होते हैं।

कार्यकरणकर्तृत्वे हेतुः प्रकृतिरुच्यते ।पुरुषः सुखदुःखानां भोक्तृत्वे हेतुरुच्यते ॥

kāryakaraṇakartṛtve hetuḥ prakṛtirucyate |puruṣaḥ sukhaduḥkhānāṃ bhoktṛtve heturucyate ||

शरीर, इंद्रियों और कर्तापन का कारण प्रकृति कही जाती है। सुख-दुःख के अनुभव का कारण पुरुष कहा जाता है।

पुरुषः प्रकृतिस्थो हि भुङ्‌क्ते प्रकृतिजान्गुणान् ।कारणं गुणसङ्गोऽस्य सदसद्योनिजन्मसु ॥

puruṣaḥ prakṛtistho hi bhuṅkte prakṛtijānguṇān |kāraṇaṃ guṇasaṅgo'sya sadasadyonijanmasu ||

प्रकृति में स्थित पुरुष प्रकृति से उत्पन्न गुणों को भोगता है। गुणों से उसका लगाव ही अच्छी और बुरी योनियों में जन्म का कारण है।

उपद्रष्टानुमन्ता च भर्ता भोक्ता महेश्वरः ।परमात्मेति चाप्युक्तो देहेऽस्मिन्पुरुषः परः ॥

upadraṣṭānumantā ca bhartā bhoktā maheśvaraḥ |paramātmeti cāpyukto dehe'sminpuruṣaḥ paraḥ ||

इस शरीर में जो परम पुरुष है, उसे साक्षी, अनुमति देने वाला, पालन करने वाला, भोक्ता, महेश्वर और परमात्मा भी कहा जाता है।

य एवं वेत्ति पुरुषं प्रकृतिं च गुणैः सह ।सर्वथा वर्तमानोऽपि न स भूयोऽभिजायते ॥

ya evaṃ vetti puruṣaṃ prakṛtiṃ ca guṇaiḥ saha |sarvathā vartamāno'pi na sa bhūyo'bhijāyate ||

जो पुरुष को और गुणों सहित प्रकृति को इस प्रकार जानता है, वह किसी भी तरह जीवन बिताए, फिर से जन्म नहीं लेता।

ध्यानेनात्मनि पश्यन्ति केचिदात्मानमात्मना ।अन्ये सांख्येन योगेन कर्मयोगेन चापरे ॥

dhyānenātmani paśyanti kecidātmānamātmanā |anye sāṃkhyena yogena karmayogena cāpare ||

कुछ लोग ध्यान के द्वारा अपने भीतर आत्मा को देखते हैं, कुछ सांख्य यानी ज्ञान के मार्ग से, और कुछ कर्मयोग से।

अन्ये त्वेवमजानन्तः श्रुत्वान्येभ्य उपासते ।तेऽपि चातितरन्त्येव मृत्युं श्रुतिपरायणाः ॥

anye tvevamajānantaḥ śrutvānyebhya upāsate |te'pi cātitarantyeva mṛtyuṃ śrutiparāyaṇāḥ ||

कुछ और लोग, जो यह स्वयं नहीं जानते, दूसरों से सुनकर उपासना करते हैं। सुनी हुई बात पर श्रद्धा रखने वाले वे भी मृत्यु को पार कर जाते हैं।

यावत्संजायते किंचित्सत्त्वं स्थावरजङ्गमम् ।क्षेत्रक्षेत्रज्ञसंयोगात्तद्विद्धि भरतर्षभ ॥

yāvatsaṃjāyate kiṃcitsattvaṃ sthāvarajaṅgamam |kṣetrakṣetrajñasaṃyogāttadviddhi bharatarṣabha ||

हे भरतश्रेष्ठ, जो कुछ भी स्थिर या चलने वाला उत्पन्न होता है, उसे क्षेत्र और क्षेत्रज्ञ के मेल से उत्पन्न हुआ जानो।

समं पश्यन्हि सर्वत्र समवस्थितमीश्वरम् ।न हिनस्त्यात्मनात्मानं ततो याति परां गतिम् ॥

samaṃ paśyanhi sarvatra samavasthitamīśvaram |na hinastyātmanātmānaṃ tato yāti parāṃ gatim ||

हर जगह समान रूप से स्थित ईश्वर को देखने वाला व्यक्ति स्वयं अपनी हानि नहीं करता, और इसलिए परम गति को पाता है।

प्रकृत्यैव च कर्माणि क्रियमाणानि सर्वशः ।यः पश्यति तथात्मानमकर्तारं स पश्यति ॥

prakṛtyaiva ca karmāṇi kriyamāṇāni sarvaśaḥ |yaḥ paśyati tathātmānamakartāraṃ sa paśyati ||

जो देखता है कि सब कर्म प्रकृति ही करती है, और आत्मा कर्ता नहीं है, वही सच में देखता है।

यदा भूतपृथग्भावमेकस्थमनुपश्यति ।तत एव च विस्तारं ब्रह्म संपद्यते तदा ॥

yadā bhūtapṛthagbhāvamekasthamanupaśyati |tata eva ca vistāraṃ brahma saṃpadyate tadā ||

जब मनुष्य प्राणियों के अलग-अलग होने को एक में ही स्थित देखता है, और उसी एक से सबका फैलाव देखता है, तब वह ब्रह्म को प्राप्त होता है।

अनादित्वान्निर्गुणत्वात्परमात्मायमव्ययः ।शरीरस्थोऽपि कौन्तेय न करोति न लिप्यते ॥

anāditvānnirguṇatvātparamātmāyamavyayaḥ |śarīrastho'pi kaunteya na karoti na lipyate ||

हे कौन्तेय, अनादि और गुणों से परे होने के कारण यह अविनाशी परमात्मा शरीर में रहते हुए भी न कुछ करता है, न किसी से लिप्त होता है।

यथा सर्वगतं सौक्ष्म्यादाकाशं नोपलिप्यते ।सर्वत्रावस्थितो देहे तथात्मा नोपलिप्यते ॥

yathā sarvagataṃ saukṣmyādākāśaṃ nopalipyate |sarvatrāvasthito dehe tathātmā nopalipyate ||

जैसे सब जगह फैला हुआ आकाश सूक्ष्म होने के कारण किसी चीज़ से लिप्त नहीं होता, वैसे ही देह में हर जगह स्थित आत्मा लिप्त नहीं होता।

यथा प्रकाशयत्येकः कृत्स्नं लोकमिमं रविः ।क्षेत्रं क्षेत्री तथा कृत्स्नं प्रकाशयति भारत ॥

yathā prakāśayatyekaḥ kṛtsnaṃ lokamimaṃ raviḥ |kṣetraṃ kṣetrī tathā kṛtsnaṃ prakāśayati bhārata ||

हे भारत, जैसे एक सूर्य इस पूरे संसार को प्रकाशित करता है, वैसे ही क्षेत्र का स्वामी पूरे क्षेत्र को प्रकाशित करता है।

क्षेत्रक्षेत्रज्ञयोरेवमन्तरं ज्ञानचक्षुषा ।भूतप्रकृतिमोक्षं च ये विदुर्यान्ति ते परम् ॥

kṣetrakṣetrajñayorevamantaraṃ jñānacakṣuṣā |bhūtaprakṛtimokṣaṃ ca ye viduryānti te param ||

जो ज्ञान की आँख से क्षेत्र और क्षेत्रज्ञ का अंतर, और प्राणियों के प्रकृति से छूटने का मार्ग जान लेते हैं, वे परम को प्राप्त होते हैं।