ज्ञान कर्म संन्यास योग

इमं विवस्वते योगं प्रोक्तवानहमव्ययम् ।विवस्वान्मनवे प्राह मनुरिक्ष्वाकवेऽब्रवीत् ॥

imaṃ vivasvate yogaṃ proktavānahamavyayam |vivasvānmanave prāha manurikṣvākave'bravīt ||

श्रीकृष्ण ने कहा: मैंने यह अविनाशी योग सूर्यदेव विवस्वान को सिखाया। विवस्वान ने इसे मनु को बताया, और मनु ने राजा इक्ष्वाकु को।

एवं परम्पराप्राप्तमिमं राजर्षयो विदुः ।स कालेनेह महता योगो नष्टः परन्तप ॥

evaṃ paramparāprāptamimaṃ rājarṣayo viduḥ |sa kāleneha mahatā yogo naṣṭaḥ parantapa ||

इस तरह परंपरा से चलते हुए राजर्षियों ने इसे जाना। पर हे परंतप, बहुत समय बीतने पर यह योग संसार से लुप्त हो गया।

स एवायं मया तेऽद्य योगः प्रोक्तः पुरातनः ।भक्तोऽसि मे सखा चेति रहस्यं ह्येतदुत्तमम् ॥

sa evāyaṃ mayā te'dya yogaḥ proktaḥ purātanaḥ |bhakto'si me sakhā ceti rahasyaṃ hyetaduttamam ||

वही प्राचीन योग मैंने आज तुम्हें बताया है, क्योंकि तुम मेरे भक्त और मित्र हो। यह परम रहस्य है।

अपरं भवतो जन्म परं जन्म विवस्वतः ।कथमेतद्विजानीयां त्वमादौ प्रोक्तवानिति ॥

aparaṃ bhavato janma paraṃ janma vivasvataḥ |kathametadvijānīyāṃ tvamādau proktavāniti ||

अर्जुन ने कहा: आपका जन्म तो बाद में हुआ और विवस्वान का बहुत पहले। मैं कैसे समझूँ कि आपने शुरुआत में उन्हें यह सिखाया?

बहूनि मे व्यतीतानि जन्मानि तव चार्जुन ।तान्यहं वेद सर्वाणि न त्वं वेत्थ परन्तप ॥

bahūni me vyatītāni janmāni tava cārjuna |tānyahaṃ veda sarvāṇi na tvaṃ vettha parantapa ||

श्रीकृष्ण ने कहा: हे अर्जुन, मेरे और तुम्हारे बहुत-से जन्म हो चुके हैं। मैं उन सबको जानता हूँ, पर तुम नहीं जानते।

अजोऽपि सन्नव्ययात्मा भूतानामीश्वरोऽपि सन् ।प्रकृतिं स्वामधिष्ठाय संभवाम्यात्ममायया ॥

ajo'pi sannavyayātmā bhūtānāmīśvaro'pi san |prakṛtiṃ svāmadhiṣṭhāya saṃbhavāmyātmamāyayā ||

मैं अजन्मा हूँ, मेरा स्वरूप कभी नष्ट नहीं होता, और मैं सब प्राणियों का स्वामी हूँ, फिर भी अपनी प्रकृति को वश में रखकर अपनी माया (शक्ति) से प्रकट होता हूँ।

जन्म कर्म च मे दिव्यमेवं यो वेत्ति तत्त्वतः ।त्यक्त्वा देहं पुनर्जन्म नैति मामेति सोऽर्जुन ॥

janma karma ca me divyamevaṃ yo vetti tattvataḥ |tyaktvā dehaṃ punarjanma naiti māmeti so'rjuna ||

हे अर्जुन, जो मेरे दिव्य जन्म और कर्म को सही-सही जान लेता है, वह शरीर छोड़ने के बाद फिर जन्म नहीं लेता, वह मुझे पा लेता है।

वीतरागभयक्रोधा मन्मया मामुपाश्रिताः ।बहवो ज्ञानतपसा पूता मद्भावमागताः ॥

vītarāgabhayakrodhā manmayā māmupāśritāḥ |bahavo jñānatapasā pūtā madbhāvamāgatāḥ ||

आसक्ति, भय और क्रोध से मुक्त, मुझमें लीन और मेरी शरण में रहकर, ज्ञान के तप से शुद्ध हुए बहुत-से लोग मेरे स्वरूप को पा चुके हैं।

ये यथा मां प्रपद्यन्ते तांस्तथैव भजाम्यहम् ।मम वर्त्मानुवर्तन्ते मनुष्याः पार्थ सर्वशः ॥

ye yathā māṃ prapadyante tāṃstathaiva bhajāmyaham |mama vartmānuvartante manuṣyāḥ pārtha sarvaśaḥ ||

जो मुझे जिस तरह भजते हैं, मैं भी उन्हें उसी तरह अपनाता हूँ। हे पार्थ, लोग हर तरह से मेरे ही मार्ग पर चलते हैं।

काङ्क्षन्तः कर्मणां सिद्धिं यजन्त इह देवताः ।क्षिप्रं हि मानुषे लोके सिद्धिर्भवति कर्मजा ॥

kāṅkṣantaḥ karmaṇāṃ siddhiṃ yajanta iha devatāḥ |kṣipraṃ hi mānuṣe loke siddhirbhavati karmajā ||

जो यहाँ अपने कामों में सफलता चाहते हैं, वे देवताओं की पूजा करते हैं, क्योंकि मनुष्य-लोक में ऐसे कर्म का फल जल्दी मिलता है।

चातुर्वर्ण्यं मया सृष्टं गुणकर्मविभागशः ।तस्य कर्तारमपि मां विद्ध्यकर्तारमव्ययम् ॥

cāturvarṇyaṃ mayā sṛṣṭaṃ guṇakarmavibhāgaśaḥ |tasya kartāramapi māṃ viddhyakartāramavyayam ||

चारों वर्ण मैंने गुणों और कर्मों के विभाग के अनुसार रचे हैं। यद्यपि मैं उनका रचयिता हूँ, फिर भी मुझे अविनाशी और अकर्ता जानो।

न मां कर्माणि लिम्पन्ति न मे कर्मफले स्पृहा ।इति मां योऽभिजानाति कर्मभिर्न स बध्यते ॥

na māṃ karmāṇi limpanti na me karmaphale spṛhā |iti māṃ yo'bhijānāti karmabhirna sa badhyate ||

कर्म मुझे लिप्त नहीं करते, और मुझे कर्म के फल की इच्छा नहीं है। जो मुझे इस तरह जानता है, वह कर्मों से नहीं बँधता।

एवं ज्ञात्वा कृतं कर्म पूर्वैरपि मुमुक्षुभिः ।कुरु कर्मैव तस्मात्त्वं पूर्वैः पूर्वतरं कृतम् ॥

evaṃ jñātvā kṛtaṃ karma pūrvairapi mumukṣubhiḥ |kuru karmaiva tasmāttvaṃ pūrvaiḥ pūrvataraṃ kṛtam ||

यह जानकर पुराने समय के मोक्ष चाहने वालों ने भी कर्म किया। इसलिए तुम भी वैसे ही कर्म करो जैसे पूर्वजों ने बहुत पहले किया था।

किं कर्म किमकर्मेति कवयोऽप्यत्र मोहिताः ।तत्ते कर्म प्रवक्ष्यामि यज्ज्ञात्वा मोक्ष्यसेऽशुभात् ॥

kiṃ karma kimakarmeti kavayo'pyatra mohitāḥ |tatte karma pravakṣyāmi yajjñātvā mokṣyase'śubhāt ||

कर्म क्या है और अकर्म क्या है? इस बारे में ज्ञानी भी भ्रमित हो जाते हैं। मैं तुम्हें कर्म का स्वरूप बताऊँगा, जिसे जानकर तुम अशुभ से छूट जाओगे।

कर्मणो ह्यपि बोद्धव्यं बोद्धव्यं च विकर्मणः ।अकर्मणश्च बोद्धव्यं गहना कर्मणो गतिः ॥

karmaṇo hyapi boddhavyaṃ boddhavyaṃ ca vikarmaṇaḥ |akarmaṇaśca boddhavyaṃ gahanā karmaṇo gatiḥ ||

कर्म क्या है, विकर्म (गलत कर्म) क्या है और अकर्म क्या है, यह समझना चाहिए। कर्म की गति बहुत गहरी है।

कर्मण्यकर्म यः पश्येदकर्मणि च कर्म यः ।स बुद्धिमान्मनुष्येषु स युक्तः कृत्स्नकर्मकृत् ॥

karmaṇyakarma yaḥ paśyedakarmaṇi ca karma yaḥ |sa buddhimānmanuṣyeṣu sa yuktaḥ kṛtsnakarmakṛt ||

जो कर्म में अकर्म और अकर्म में कर्म देखता है, वह मनुष्यों में बुद्धिमान है। वह सब कर्म करते हुए भी योगी है।

यस्य सर्वे समारम्भाः कामसंकल्पवर्जिताः ।ज्ञानाग्निदग्धकर्माणं तमाहुः पण्डितं बुधाः ॥

yasya sarve samārambhāḥ kāmasaṃkalpavarjitāḥ |jñānāgnidagdhakarmāṇaṃ tamāhuḥ paṇḍitaṃ budhāḥ ||

जिसके सब कामों में स्वार्थ भरी इच्छा और संकल्प नहीं होते, और जिसके कर्म ज्ञान की आग में जल चुके हैं, उसे ज्ञानी लोग पंडित कहते हैं।

त्यक्त्वा कर्मफलासङ्गं नित्यतृप्तो निराश्रयः ।कर्मण्यभिप्रवृत्तोऽपि नैव किंचित्करोति सः ॥

tyaktvā karmaphalāsaṅgaṃ nityatṛpto nirāśrayaḥ |karmaṇyabhipravṛtto'pi naiva kiṃcitkaroti saḥ ||

कर्म के फल की आसक्ति छोड़कर, सदा संतुष्ट और किसी पर निर्भर न रहकर, वह कर्म में पूरी तरह लगा रहकर भी वास्तव में कुछ नहीं करता।

निराशीर्यतचित्तात्मा त्यक्तसर्वपरिग्रहः ।शारीरं केवलं कर्म कुर्वन्नाप्नोति किल्बिषम् ॥

nirāśīryatacittātmā tyaktasarvaparigrahaḥ |śārīraṃ kevalaṃ karma kurvannāpnoti kilbiṣam ||

बिना लालसा के, मन और शरीर को वश में रखकर, सब अधिकार-भाव छोड़कर और केवल शरीर के लिए ज़रूरी कर्म करते हुए, उसे कोई पाप नहीं लगता।

यदृच्छालाभसंतुष्टो द्वन्द्वातीतो विमत्सरः ।समः सिद्धावसिद्धौ च कृत्वापि न निबध्यते ॥

yadṛcchālābhasaṃtuṣṭo dvandvātīto vimatsaraḥ |samaḥ siddhāvasiddhau ca kṛtvāpi na nibadhyate ||

जो अपने आप मिले उसी में संतुष्ट, द्वंद्वों से परे, ईर्ष्या से मुक्त और सफलता-असफलता में समान, वह कर्म करते हुए भी नहीं बँधता।

गतसङ्गस्य मुक्तस्य ज्ञानावस्थितचेतसः ।यज्ञायाचरतः कर्म समग्रं प्रविलीयते ॥

gatasaṅgasya muktasya jñānāvasthitacetasaḥ |yajñāyācarataḥ karma samagraṃ pravilīyate ||

जो आसक्ति से मुक्त है, जिसका मन ज्ञान में स्थिर है, और जो यज्ञ के लिए कर्म करता है, उसके सब कर्म पूरी तरह विलीन हो जाते हैं।

ब्रह्मार्पणं ब्रह्म हविर्ब्रह्माग्नौ ब्रह्मणा हुतम् ।ब्रह्मैव तेन गन्तव्यं ब्रह्मकर्मसमाधिना ॥

brahmārpaṇaṃ brahma havirbrahmāgnau brahmaṇā hutam |brahmaiva tena gantavyaṃ brahmakarmasamādhinā ||

अर्पण की क्रिया ब्रह्म है, अर्पित वस्तु ब्रह्म है, ब्रह्म रूपी अग्नि में ब्रह्म द्वारा ही आहुति दी जाती है। जो हर कर्म में ब्रह्म को देखता है, वह ब्रह्म को ही पाता है।

दैवमेवापरे यज्ञं योगिनः पर्युपासते ।ब्रह्माग्नावपरे यज्ञं यज्ञेनैवोपजुह्वति ॥

daivamevāpare yajñaṃ yoginaḥ paryupāsate |brahmāgnāvapare yajñaṃ yajñenaivopajuhvati ||

कुछ योगी देवताओं के लिए यज्ञ करते हैं। दूसरे ब्रह्म रूपी अग्नि में यज्ञ के द्वारा ही यज्ञ को अर्पित करते हैं।

श्रोत्रादीनीन्द्रियाण्यन्ये संयमाग्निषु जुह्वति ।शब्दादीन्विषयानन्य इन्द्रियाग्निषु जुह्वति ॥

śrotrādīnīndriyāṇyanye saṃyamāgniṣu juhvati |śabdādīnviṣayānanya indriyāgniṣu juhvati ||

कुछ लोग सुनने और दूसरी इंद्रियों को संयम की अग्नि में अर्पित करते हैं। दूसरे लोग शब्द आदि विषयों को इंद्रियों की अग्नि में अर्पित करते हैं।

सर्वाणीन्द्रियकर्माणि प्राणकर्माणि चापरे ।आत्मसंयमयोगाग्नौ जुह्वति ज्ञानदीपिते ॥

sarvāṇīndriyakarmāṇi prāṇakarmāṇi cāpare |ātmasaṃyamayogāgnau juhvati jñānadīpite ||

कुछ लोग इंद्रियों और प्राण के सब कामों को ज्ञान से जली हुई आत्मसंयम रूपी योग की अग्नि में अर्पित करते हैं।

द्रव्ययज्ञास्तपोयज्ञा योगयज्ञास्तथापरे ।स्वाध्यायज्ञानयज्ञाश्च यतयः संशितव्रताः ॥

dravyayajñāstapoyajñā yogayajñāstathāpare |svādhyāyajñānayajñāśca yatayaḥ saṃśitavratāḥ ||

कुछ लोग धन का, कुछ तप का, कुछ योग-साधना का यज्ञ करते हैं, और कुछ दृढ़ व्रत वाले लोग शास्त्रों के अध्ययन और ज्ञान का यज्ञ करते हैं।

अपाने जुह्वति प्राणं प्राणेऽपानं तथापरे ।प्राणापानगती रुद्ध्वा प्राणायामपरायणाः ॥

apāne juhvati prāṇaṃ prāṇe'pānaṃ tathāpare |prāṇāpānagatī ruddhvā prāṇāyāmaparāyaṇāḥ ||

कुछ लोग प्राणायाम में लगे रहकर, प्राण (भीतर आती साँस) को अपान (बाहर जाती साँस) में और अपान को प्राण में अर्पित करते हैं, और दोनों की गति रोकते हैं।

अपरे नियताहाराः प्राणान्प्राणेषु जुह्वति ।सर्वेऽप्येते यज्ञविदो यज्ञक्षपितकल्मषाः ॥

apare niyatāhārāḥ prāṇānprāṇeṣu juhvati |sarve'pyete yajñavido yajñakṣapitakalmaṣāḥ ||

कुछ और लोग भोजन को नियमित करके प्राणों को प्राणों में अर्पित करते हैं। ये सभी यज्ञ को जानते हैं, और यज्ञ से इनके पाप धुल जाते हैं।

यज्ञशिष्टामृतभुजो यान्ति ब्रह्म सनातनम् ।नायं लोकोऽस्त्ययज्ञस्य कुतोऽन्यः कुरुसत्तम ॥

yajñaśiṣṭāmṛtabhujo yānti brahma sanātanam |nāyaṃ loko'styayajñasya kuto'nyaḥ kurusattama ||

यज्ञ से बचे अमृत को खाने वाले सनातन ब्रह्म को पाते हैं। हे कुरुश्रेष्ठ, यज्ञ न करने वाले के लिए यह लोक भी नहीं, तो परलोक कैसे होगा?

एवं बहुविधा यज्ञा वितता ब्रह्मणो मुखे ।कर्मजान्विद्धि तान्सर्वानेवं ज्ञात्वा विमोक्ष्यसे ॥

evaṃ bahuvidhā yajñā vitatā brahmaṇo mukhe |karmajānviddhi tānsarvānevaṃ jñātvā vimokṣyase ||

इस तरह के बहुत-से यज्ञ वेद में बताए गए हैं। जानो कि ये सब कर्म से पैदा होते हैं; यह जानकर तुम मुक्त हो जाओगे।

श्रेयान्द्रव्यमयाद्यज्ञाज्ज्ञानयज्ञः परन्तप ।सर्वं कर्माखिलं पार्थ ज्ञाने परिसमाप्यते ॥

śreyāndravyamayādyajñājjñānayajñaḥ parantapa |sarvaṃ karmākhilaṃ pārtha jñāne parisamāpyate ||

हे परंतप, वस्तुओं से किए गए यज्ञ से ज्ञान का यज्ञ श्रेष्ठ है, क्योंकि हे पार्थ, सब कर्म अंत में ज्ञान में ही पूरे होते हैं।

तद्विद्धि प्रणिपातेन परिप्रश्नेन सेवया ।उपदेक्ष्यन्ति ते ज्ञानं ज्ञानिनस्तत्त्वदर्शिनः ॥

tadviddhi praṇipātena paripraśnena sevayā |upadekṣyanti te jñānaṃ jñāninastattvadarśinaḥ ||

इसे विनम्र होकर प्रणाम करके, प्रश्न पूछकर और सेवा करके सीखो। सत्य को देख चुके ज्ञानी तुम्हें यह ज्ञान सिखाएँगे।

यज्ज्ञात्वा न पुनर्मोहमेवं यास्यसि पाण्डव ।येन भूतान्यशेषेण द्रक्ष्यस्यात्मन्यथो मयि ॥

yajjñātvā na punarmohamevaṃ yāsyasi pāṇḍava |yena bhūtānyaśeṣeṇa drakṣyasyātmanyatho mayi ||

हे पांडव, इसे जानकर तुम फिर कभी ऐसे मोह में नहीं पड़ोगे। इसके द्वारा तुम सब प्राणियों को अपने भीतर, और फिर मुझमें देखोगे।

अपि चेदसि पापेभ्यः सर्वेभ्यः पापकृत्तमः ।सर्वं ज्ञानप्लवेनैव वृजिनं सन्तरिष्यसि ॥

api cedasi pāpebhyaḥ sarvebhyaḥ pāpakṛttamaḥ |sarvaṃ jñānaplavenaiva vṛjinaṃ santariṣyasi ||

अगर तुम सब पापियों में सबसे बड़े पापी भी हो, तो भी ज्ञान की नाव से ही सारे पापों को पार कर जाओगे।

यथैधांसि समिद्धोऽग्निर्भस्मसात्कुरुतेऽर्जुन ।ज्ञानाग्निः सर्वकर्माणि भस्मसात्कुरुते तथा ॥

yathaidhāṃsi samiddho'gnirbhasmasātkurute'rjuna |jñānāgniḥ sarvakarmāṇi bhasmasātkurute tathā ||

हे अर्जुन, जैसे जलती आग लकड़ी को राख कर देती है, वैसे ही ज्ञान की आग सब कर्मों को राख कर देती है।

श्रद्धावाँल्लभते ज्ञानं तत्परः संयतेन्द्रियः ।ज्ञानं लब्ध्वा परां शान्तिमचिरेणाधिगच्छति ॥

śraddhāvām̐llabhate jñānaṃ tatparaḥ saṃyatendriyaḥ |jñānaṃ labdhvā parāṃ śāntimacireṇādhigacchati ||

जो श्रद्धावान है, उसमें लगा रहता है और इंद्रियों को वश में रखता है, वह ज्ञान पाता है। ज्ञान पाकर वह जल्दी ही परम शांति पा लेता है।

अज्ञश्चाश्रद्दधानश्च संशयात्मा विनश्यति ।नायं लोकोऽस्ति न परो न सुखं संशयात्मनः ॥

ajñaścāśraddadhānaśca saṃśayātmā vinaśyati |nāyaṃ loko'sti na paro na sukhaṃ saṃśayātmanaḥ ||

पर जो अज्ञानी है, श्रद्धाहीन है और संशय से भरा है, उसका पतन होता है। संशय करने वाले के लिए न यह लोक है, न परलोक, न कोई सुख।

योगसंन्यस्तकर्माणं ज्ञानसंछिन्नसंशयम् ।आत्मवन्तं न कर्माणि निबध्नन्ति धनंजय ॥

yogasaṃnyastakarmāṇaṃ jñānasaṃchinnasaṃśayam |ātmavantaṃ na karmāṇi nibadhnanti dhanaṃjaya ||

हे धनंजय, जिसने योग से कर्मों का बंधन छोड़ दिया है, जिसके संशय ज्ञान से कट गए हैं और जो आत्मा में स्थित है, उसे कर्म नहीं बाँधते।

तस्मादज्ञानसम्भूतं हृत्स्थं ज्ञानासिनात्मनः ।छित्त्वैनं संशयं योगमातिष्ठोत्तिष्ठ भारत ॥

tasmādajñānasambhūtaṃ hṛtsthaṃ jñānāsinātmanaḥ |chittvainaṃ saṃśayaṃ yogamātiṣṭhottiṣṭha bhārata ||

इसलिए हे भारत, अज्ञान से पैदा हुए अपने हृदय के इस संशय को ज्ञान की तलवार से काट डालो। योग में स्थित होकर उठ खड़े हो।