ज्ञान और विज्ञान का योग

मय्यासक्तमनाः पार्थ योगं युञ्जन्मदाश्रयः ।असंशयं समग्रं मां यथा ज्ञास्यसि तच्छृणु ॥

mayyāsaktamanāḥ pārtha yogaṃ yuñjanmadāśrayaḥ |asaṃśayaṃ samagraṃ māṃ yathā jñāsyasi tacchṛṇu ||

कृष्ण ने कहा: अर्जुन, अपना मन मुझमें लगाकर, मेरा आश्रय लेकर योग का अभ्यास करते हुए, सुनो कि तुम मुझे पूरी तरह और बिना संदेह के कैसे जानोगे।

ज्ञानं तेऽहं सविज्ञानमिदं वक्ष्याम्यशेषतः ।यज्ज्ञात्वा नेह भूयोऽन्यज्ज्ञातव्यमवशिष्यते ॥

jñānaṃ te'haṃ savijñānamidaṃ vakṣyāmyaśeṣataḥ |yajjñātvā neha bhūyo'nyajjñātavyamavaśiṣyate ||

मैं तुम्हें यह ज्ञान उसके अनुभव सहित पूरा का पूरा बताऊँगा। इसे जान लेने के बाद संसार में और कुछ जानना बाकी नहीं रहता।

मनुष्याणां सहस्रेषु कश्चिद्यतति सिद्धये ।यततामपि सिद्धानां कश्चिन्मां वेत्ति तत्त्वतः ॥

manuṣyāṇāṃ sahasreṣu kaścidyatati siddhaye |yatatāmapi siddhānāṃ kaścinmāṃ vetti tattvataḥ ||

हज़ारों लोगों में कोई एक ही सिद्धि के लिए प्रयास करता है। और प्रयास करने वालों में भी कोई एक ही मुझे सच में जैसा मैं हूँ, वैसा जानता है।

भूमिरापोऽनलो वायुः खं मनो बुद्धिरेव च ।अहंकार इतीयं मे भिन्ना प्रकृतिरष्टधा ॥

bhūmirāpo'nalo vāyuḥ khaṃ mano buddhireva ca |ahaṃkāra itīyaṃ me bhinnā prakṛtiraṣṭadhā ||

पृथ्वी, जल, अग्नि, वायु, आकाश, मन, बुद्धि और अहंकार: ये मेरी प्रकृति के आठ अलग अलग भाग हैं।

अपरेयमितस्त्वन्यां प्रकृतिं विद्धि मे पराम् ।जीवभूतां महाबाहो ययेदं धार्यते जगत् ॥

apareyamitastvanyāṃ prakṛtiṃ viddhi me parām |jīvabhūtāṃ mahābāho yayedaṃ dhāryate jagat ||

यह मेरी निचली प्रकृति है। पर हे महाबाहु, मेरी एक और ऊँची प्रकृति भी जानो, जो जीवन का तत्व है और जिसने इस सारे संसार को थाम रखा है।

एतद्योनीनि भूतानि सर्वाणीत्युपधारय ।अहं कृत्स्नस्य जगतः प्रभवः प्रलयस्तथा ॥

etadyonīni bhūtāni sarvāṇītyupadhāraya |ahaṃ kṛtsnasya jagataḥ prabhavaḥ pralayastathā ||

समझ लो कि सभी प्राणी इन्हीं दो प्रकृतियों से उत्पन्न होते हैं। मैं ही सारे संसार का आरंभ हूँ और उसका अंत भी।

रसोऽहमप्सु कौन्तेय प्रभास्मि शशिसूर्ययोः ।प्रणवः सर्ववेदेषु शब्दः खे पौरुषं नृषु ॥

raso'hamapsu kaunteya prabhāsmi śaśisūryayoḥ |praṇavaḥ sarvavedeṣu śabdaḥ khe pauruṣaṃ nṛṣu ||

मैं जल में स्वाद हूँ, चंद्रमा और सूर्य में रोशनी हूँ, सभी वेदों में ओंकार हूँ, आकाश में शब्द हूँ और मनुष्यों में पुरुषार्थ हूँ।

पुण्यो गन्धः पृथिव्यां च तेजश्चास्मि विभावसौ ।जीवनं सर्वभूतेषु तपश्चास्मि तपस्विषु ॥

puṇyo gandhaḥ pṛthivyāṃ ca tejaścāsmi vibhāvasau |jīvanaṃ sarvabhūteṣu tapaścāsmi tapasviṣu ||

मैं पृथ्वी की पवित्र सुगंध हूँ और अग्नि का तेज हूँ। मैं सभी प्राणियों में जीवन हूँ और तपस्वियों में तप हूँ।

बीजं मां सर्वभूतानां विद्धि पार्थ सनातनम् ।बुद्धिर्बुद्धिमतामस्मि तेजस्तेजस्विनामहम् ॥

bījaṃ māṃ sarvabhūtānāṃ viddhi pārtha sanātanam |buddhirbuddhimatāmasmi tejastejasvināmaham ||

हे अर्जुन, मुझे सभी प्राणियों का सनातन बीज जानो। मैं बुद्धिमानों की बुद्धि हूँ और तेजस्वियों का तेज हूँ।

बलं बलवतां चाहं कामरागविवर्जितम् ।धर्माविरुद्धो भूतेषु कामोऽस्मि भरतर्षभ ॥

balaṃ balavatāṃ cāhaṃ kāmarāgavivarjitam |dharmāviruddho bhūteṣu kāmo'smi bharatarṣabha ||

मैं बलवानों का वह बल हूँ जो कामना और आसक्ति से मुक्त है। सभी प्राणियों में मैं वह इच्छा हूँ जो धर्म के विरुद्ध नहीं है।

ये चैव सात्त्विका भावा राजसास्तामसाश्च ये ।मत्त एवेति तान्विद्धि न त्वहं तेषु ते मयि ॥

ye caiva sāttvikā bhāvā rājasāstāmasāśca ye |matta eveti tānviddhi na tvahaṃ teṣu te mayi ||

सात्त्विक, राजसिक और तामसिक, जितने भी भाव हैं, वे सब मुझसे ही उत्पन्न होते हैं। फिर भी मैं उनमें नहीं हूँ, वे मुझमें हैं।

त्रिभिर्गुणमयैर्भावैरेभिः सर्वमिदं जगत् ।मोहितं नाभिजानाति मामेभ्यः परमव्ययम् ॥

tribhirguṇamayairbhāvairebhiḥ sarvamidaṃ jagat |mohitaṃ nābhijānāti māmebhyaḥ paramavyayam ||

तीन गुणों से बने इन भावों से भ्रमित होकर सारा संसार मुझे नहीं पहचानता, जो इनसे परे और अविनाशी हूँ।

न मां दुष्कृतिनो मूढाः प्रपद्यन्ते नराधमाः ।माययापहृतज्ञाना आसुरं भावमाश्रिताः ॥

na māṃ duṣkṛtino mūḍhāḥ prapadyante narādhamāḥ |māyayāpahṛtajñānā āsuraṃ bhāvamāśritāḥ ||

बुरे काम करने वाले, मूर्ख और नीच लोग मेरी शरण नहीं लेते। माया ने उनकी समझ छीन ली है और उन्होंने आसुरी स्वभाव अपना लिया है।

चतुर्विधा भजन्ते मां जनाः सुकृतिनोऽर्जुन ।आर्तो जिज्ञासुरर्थार्थी ज्ञानी च भरतर्षभ ॥

caturvidhā bhajante māṃ janāḥ sukṛtino'rjuna |ārto jijñāsurarthārthī jñānī ca bharatarṣabha ||

हे अर्जुन, चार प्रकार के पुण्यात्मा लोग मुझे भजते हैं: दुखी, जानने की इच्छा वाला, कुछ पाने की इच्छा वाला और ज्ञानी।

तेषां ज्ञानी नित्ययुक्त एकभक्तिर्विशिष्यते ।प्रियो हि ज्ञानिनोऽत्यर्थमहं स च मम प्रियः ॥

teṣāṃ jñānī nityayukta ekabhaktirviśiṣyate |priyo hi jñānino'tyarthamahaṃ sa ca mama priyaḥ ||

इनमें ज्ञानी सबसे श्रेष्ठ है, जो सदा मुझसे जुड़ा रहता है और केवल मेरी भक्ति करता है। मैं ज्ञानी को बहुत प्रिय हूँ और वह मुझे प्रिय है।

उदाराः सर्व एवैते ज्ञानी त्वात्मैव मे मतम् ।आस्थितः स हि युक्तात्मा मामेवानुत्तमां गतिम् ॥

udārāḥ sarva evaite jñānī tvātmaiva me matam |āsthitaḥ sa hi yuktātmā māmevānuttamāṃ gatim ||

ये सभी उदार हैं, पर ज्ञानी को मैं अपना ही स्वरूप मानता हूँ। स्थिर मन वाला वह मुझे ही सबसे ऊँचा लक्ष्य मानकर मुझमें टिका रहता है।

कामैस्तैस्तैर्हृतज्ञानाः प्रपद्यन्तेऽन्यदेवताः ।तं तं नियममास्थाय प्रकृत्या नियताः स्वया ॥

kāmaistaistairhṛtajñānāḥ prapadyante'nyadevatāḥ |taṃ taṃ niyamamāsthāya prakṛtyā niyatāḥ svayā ||

जिनकी समझ तरह तरह की इच्छाओं ने हर ली है, वे अपने स्वभाव के अनुसार अलग अलग नियम अपनाकर दूसरे देवताओं की शरण लेते हैं।

यो यो यां यां तनुं भक्तः श्रद्धयार्चितुमिच्छति ।तस्य तस्याचलां श्रद्धां तामेव विदधाम्यहम् ॥

yo yo yāṃ yāṃ tanuṃ bhaktaḥ śraddhayārcitumicchati |tasya tasyācalāṃ śraddhāṃ tāmeva vidadhāmyaham ||

कोई भक्त श्रद्धा से जिस भी रूप की पूजा करना चाहता है, मैं उसकी उसी रूप में श्रद्धा को अटल बना देता हूँ।

स तया श्रद्धया युक्तस्तस्याराधनमीहते ।लभते च ततः कामान्मयैव विहितान्हि तान् ॥

sa tayā śraddhayā yuktastasyārādhanamīhate |labhate ca tataḥ kāmānmayaiva vihitānhi tān ||

उस श्रद्धा से भरकर वह उस रूप की आराधना करता है और अपनी इच्छाएँ पाता है। पर सच में वे इच्छाएँ मैं ही पूरी करता हूँ।

अन्तवत्तु फलं तेषां तद्भवत्यल्पमेधसाम् ।देवान्देवयजो यान्ति मद्भक्ता यान्ति मामपि ॥

antavattu phalaṃ teṣāṃ tadbhavatyalpamedhasām |devāndevayajo yānti madbhaktā yānti māmapi ||

पर कम समझ वालों को मिलने वाला फल नाशवान होता है। देवताओं को पूजने वाले देवताओं के पास जाते हैं, मेरे भक्त मेरे पास आते हैं।

अव्यक्तं व्यक्तिमापन्नं मन्यन्ते मामबुद्धयः ।परं भावमजानन्तो ममाव्ययमनुत्तमम् ॥

avyaktaṃ vyaktimāpannaṃ manyante māmabuddhayaḥ |paraṃ bhāvamajānanto mamāvyayamanuttamam ||

नासमझ लोग सोचते हैं कि मैं, जो अव्यक्त हूँ, केवल एक दिखने वाला रूप बन गया हूँ। वे मेरे ऊँचे, अविनाशी और सर्वश्रेष्ठ स्वरूप को नहीं जानते।

नाहं प्रकाशः सर्वस्य योगमायासमावृतः ।मूढोऽयं नाभिजानाति लोको मामजमव्ययम् ॥

nāhaṃ prakāśaḥ sarvasya yogamāyāsamāvṛtaḥ |mūḍho'yaṃ nābhijānāti loko māmajamavyayam ||

अपनी योगमाया से ढका हुआ मैं सबके सामने प्रकट नहीं होता। यह भ्रमित संसार मुझ अजन्मे और अविनाशी को नहीं जानता।

वेदाहं समतीतानि वर्तमानानि चार्जुन ।भविष्याणि च भूतानि मां तु वेद न कश्चन ॥

vedāhaṃ samatītāni vartamānāni cārjuna |bhaviṣyāṇi ca bhūtāni māṃ tu veda na kaścana ||

हे अर्जुन, मैं बीते हुए, वर्तमान और आने वाले सभी प्राणियों को जानता हूँ। पर मुझे कोई नहीं जानता।

इच्छाद्वेषसमुत्थेन द्वन्द्वमोहेन भारत ।सर्वभूतानि संमोहं सर्गे यान्ति परन्तप ॥

icchādveṣasamutthena dvandvamohena bhārata |sarvabhūtāni saṃmohaṃ sarge yānti parantapa ||

जन्म से ही सभी प्राणी इच्छा और द्वेष से पैदा होने वाले सुख दुख जैसे द्वंद्वों के मोह में पड़ जाते हैं।

येषां त्वन्तगतं पापं जनानां पुण्यकर्मणाम् ।ते द्वन्द्वमोहनिर्मुक्ता भजन्ते मां दृढव्रताः ॥

yeṣāṃ tvantagataṃ pāpaṃ janānāṃ puṇyakarmaṇām |te dvandvamohanirmuktā bhajante māṃ dṛḍhavratāḥ ||

पर जिन पुण्य कर्म करने वालों के पाप समाप्त हो गए हैं, वे द्वंद्वों के मोह से छूटकर दृढ़ निश्चय के साथ मुझे भजते हैं।

जरामरणमोक्षाय मामाश्रित्य यतन्ति ये ।ते ब्रह्म तद्विदुः कृत्स्नमध्यात्मं कर्म चाखिलम् ॥

jarāmaraṇamokṣāya māmāśritya yatanti ye |te brahma tadviduḥ kṛtsnamadhyātmaṃ karma cākhilam ||

जो मेरी शरण लेकर बुढ़ापे और मृत्यु से छूटने का प्रयत्न करते हैं, वे ब्रह्म को, पूरे अध्यात्म को और सारे कर्म को जान लेते हैं।

साधिभूताधिदैवं मां साधियज्ञं च ये विदुः ।प्रयाणकालेऽपि च मां ते विदुर्युक्तचेतसः ॥

sādhibhūtādhidaivaṃ māṃ sādhiyajñaṃ ca ye viduḥ |prayāṇakāle'pi ca māṃ te viduryuktacetasaḥ ||

जो मुझे अधिभूत, अधिदैव और अधियज्ञ सहित जानते हैं, वे स्थिर मन वाले लोग मृत्यु के समय भी मुझे जानते हैं।