विभूति योग

भूय एव महाबाहो शृणु मे परमं वचः ।यत्तेऽहं प्रीयमाणाय वक्ष्यामि हितकाम्यया ॥

bhūya eva mahābāho śṛṇu me paramaṃ vacaḥ |yatte'haṃ prīyamāṇāya vakṣyāmi hitakāmyayā ||

कृष्ण ने कहा: हे महाबाहु, मेरे परम वचन फिर से सुनो, जिन्हें मैं तुम्हारे हित के लिए कह रहा हूँ, क्योंकि तुम्हें इन्हें सुनकर प्रसन्नता होती है।

न मे विदुः सुरगणाः प्रभवं न महर्षयः ।अहमादिर्हि देवानां महर्षीणां च सर्वशः ॥

na me viduḥ suragaṇāḥ prabhavaṃ na maharṣayaḥ |ahamādirhi devānāṃ maharṣīṇāṃ ca sarvaśaḥ ||

न देवताओं के समूह मेरे उद्गम को जानते हैं, न महर्षि, क्योंकि मैं हर प्रकार से देवताओं और महर्षियों का आदि कारण हूँ।

यो मामजमनादिं च वेत्ति लोकमहेश्वरम् ।असंमूढः स मर्त्येषु सर्वपापैः प्रमुच्यते ॥

yo māmajamanādiṃ ca vetti lokamaheśvaram |asaṃmūḍhaḥ sa martyeṣu sarvapāpaiḥ pramucyate ||

जो मुझे अजन्मा, अनादि और सभी लोकों का महान ईश्वर जानता है, वह मनुष्यों में मोह से रहित है और सभी पापों से छूट जाता है।

बुद्धिर्ज्ञानमसंमोहः क्षमा सत्यं दमः शमः ।सुखं दुःखं भवोऽभावो भयं चाभयमेव च ॥

buddhirjñānamasaṃmohaḥ kṣamā satyaṃ damaḥ śamaḥ |sukhaṃ duḥkhaṃ bhavo'bhāvo bhayaṃ cābhayameva ca ||

बुद्धि, ज्ञान, मोह से मुक्ति, क्षमा, सत्य, इंद्रियों का संयम और मन की शांति; सुख और दुख, जन्म और मृत्यु, भय और निर्भयता,

अहिंसा समता तुष्टिस्तपो दानं यशोऽयशः ।भवन्ति भावा भूतानां मत्त एव पृथग्विधाः ॥

ahiṃsā samatā tuṣṭistapo dānaṃ yaśo'yaśaḥ |bhavanti bhāvā bhūtānāṃ matta eva pṛthagvidhāḥ ||

अहिंसा, समता, संतोष, तप, दान, यश और अपयश: प्राणियों के ये सभी अलग अलग भाव मुझसे ही उत्पन्न होते हैं।

महर्षयः सप्त पूर्वे चत्वारो मनवस्तथा ।मद्भावा मानसा जाता येषां लोक इमाः प्रजाः ॥

maharṣayaḥ sapta pūrve catvāro manavastathā |madbhāvā mānasā jātā yeṣāṃ loka imāḥ prajāḥ ||

प्राचीन सात महर्षि और चार मनु मेरे मन से उत्पन्न हुए और मेरे ही भाव वाले हैं। संसार के सभी प्राणी उन्हीं से आए हैं।

एतां विभूतिं योगं च मम यो वेत्ति तत्त्वतः ।सोऽविकम्पेन योगेन युज्यते नात्र संशयः ॥

etāṃ vibhūtiṃ yogaṃ ca mama yo vetti tattvataḥ |so'vikampena yogena yujyate nātra saṃśayaḥ ||

जो मेरी इस विभूति और योग शक्ति को सही रूप में जानता है, वह अटल योग से मुझसे जुड़ जाता है। इसमें कोई संदेह नहीं।

मच्चित्ता मद्गतप्राणा बोधयन्तः परस्परम् ।कथयन्तश्च मां नित्यं तुष्यन्ति च रमन्ति च ॥

maccittā madgataprāṇā bodhayantaḥ parasparam |kathayantaśca māṃ nityaṃ tuṣyanti ca ramanti ca ||

मन मुझमें लगाकर और जीवन मुझे सौंपकर, वे एक दूसरे को समझाते हैं, हमेशा मेरी चर्चा करते हैं, और संतोष तथा आनंद पाते हैं।

तेषां सततयुक्तानां भजतां प्रीतिपूर्वकम् ।ददामि बुद्धियोगं तं येन मामुपयान्ति ते ॥

teṣāṃ satatayuktānāṃ bhajatāṃ prītipūrvakam |dadāmi buddhiyogaṃ taṃ yena māmupayānti te ||

जो सदा मुझसे जुड़े रहते हैं और प्रेम से मुझे भजते हैं, उन्हें मैं वह बुद्धियोग देता हूँ जिससे वे मुझ तक पहुँचते हैं।

तेषामेवानुकम्पार्थमहमज्ञानजं तमः ।नाशयाम्यात्मभावस्थो ज्ञानदीपेन भास्वता ॥

teṣāmevānukampārthamahamajñānajaṃ tamaḥ |nāśayāmyātmabhāvastho jñānadīpena bhāsvatā ||

उन पर करुणा करके, उनके हृदय में रहते हुए मैं ज्ञान के चमकते दीपक से अज्ञान से पैदा हुए अंधकार को नष्ट कर देता हूँ।

परं ब्रह्म परं धाम पवित्रं परमं भवान् ।पुरुषं शाश्वतं दिव्यमादिदेवमजं विभुम् ॥

paraṃ brahma paraṃ dhāma pavitraṃ paramaṃ bhavān |puruṣaṃ śāśvataṃ divyamādidevamajaṃ vibhum ||

अर्जुन ने कहा: आप परम ब्रह्म हैं, परम धाम हैं, परम पवित्र हैं। आप सनातन दिव्य पुरुष, आदिदेव, अजन्मा और सर्वव्यापी हैं।

आहुस्त्वामृषयः सर्वे देवर्षिर्नारदस्तथा ।असितो देवलो व्यासः स्वयं चैव ब्रवीषि मे ॥

āhustvāmṛṣayaḥ sarve devarṣirnāradastathā |asito devalo vyāsaḥ svayaṃ caiva bravīṣi me ||

सभी ऋषि आपके बारे में यही कहते हैं, देवर्षि नारद, असित, देवल और व्यास भी। और अब आप स्वयं मुझसे यही कह रहे हैं।

सर्वमेतदृतं मन्ये यन्मां वदसि केशव ।न हि ते भगवन्व्यक्तिं विदुर्देवा न दानवाः ॥

sarvametadṛtaṃ manye yanmāṃ vadasi keśava |na hi te bhagavanvyaktiṃ vidurdevā na dānavāḥ ||

हे केशव, आप जो कुछ मुझसे कहते हैं, उसे मैं सत्य मानता हूँ। हे भगवन, न देवता और न दानव आपके वास्तविक स्वरूप को जानते हैं।

स्वयमेवात्मनात्मानं वेत्थ त्वं पुरुषोत्तम ।भूतभावन भूतेश देवदेव जगत्पते ॥

svayamevātmanātmānaṃ vettha tvaṃ puruṣottama |bhūtabhāvana bhūteśa devadeva jagatpate ||

हे पुरुषोत्तम, प्राणियों को उत्पन्न करने वाले, प्राणियों के ईश्वर, देवों के देव, जगत के स्वामी, आप स्वयं ही अपने आप को जानते हैं।

वक्तुमर्हस्यशेषेण दिव्या ह्यात्मविभूतयः ।याभिर्विभूतिभिर्लोकानिमांस्त्वं व्याप्य तिष्ठसि ॥

vaktumarhasyaśeṣeṇa divyā hyātmavibhūtayaḥ |yābhirvibhūtibhirlokānimāṃstvaṃ vyāpya tiṣṭhasi ||

कृपया मुझे अपनी उन दिव्य विभूतियों के बारे में पूरा बताइए, जिनके द्वारा आप इन लोकों में व्याप्त होकर स्थित हैं।

कथं विद्यामहं योगिंस्त्वां सदा परिचिन्तयन् ।केषु केषु च भावेषु चिन्त्योऽसि भगवन्मया ॥

kathaṃ vidyāmahaṃ yogiṃstvāṃ sadā paricintayan |keṣu keṣu ca bhāveṣu cintyo'si bhagavanmayā ||

हे योगेश्वर, हमेशा आपका चिंतन करते हुए मैं आपको कैसे जानूँ? हे भगवन, किन किन रूपों में मैं आपका चिंतन करूँ?

विस्तरेणात्मनो योगं विभूतिं च जनार्दन ।भूयः कथय तृप्तिर्हि शृण्वतो नास्ति मेऽमृतम् ॥

vistareṇātmano yogaṃ vibhūtiṃ ca janārdana |bhūyaḥ kathaya tṛptirhi śṛṇvato nāsti me'mṛtam ||

हे जनार्दन, अपनी योग शक्ति और विभूतियों के बारे में फिर से विस्तार से बताइए, क्योंकि आपके अमृत जैसे वचन सुनकर मेरा मन नहीं भरता।

हन्त ते कथयिष्यामि दिव्या ह्यात्मविभूतयः ।प्राधान्यतः कुरुश्रेष्ठ नास्त्यन्तो विस्तरस्य मे ॥

hanta te kathayiṣyāmi divyā hyātmavibhūtayaḥ |prādhānyataḥ kuruśreṣṭha nāstyanto vistarasya me ||

कृष्ण ने कहा: अच्छा, मैं तुम्हें अपनी दिव्य विभूतियाँ बताऊँगा, पर केवल मुख्य मुख्य, हे कुरुश्रेष्ठ, क्योंकि उनके विस्तार का कोई अंत नहीं।

आदित्यानामहं विष्णुर्ज्योतिषां रविरंशुमान् ।मरीचिर्मरुतामस्मि नक्षत्राणामहं शशी ॥

ādityānāmahaṃ viṣṇurjyotiṣāṃ raviraṃśumān |marīcirmarutāmasmi nakṣatrāṇāmahaṃ śaśī ||

आदित्यों में मैं विष्णु हूँ, ज्योतियों में किरणों वाला सूर्य हूँ। मरुतों में मैं मरीचि हूँ और नक्षत्रों में चंद्रमा।

वेदानां सामवेदोऽस्मि देवानामस्मि वासवः ।इन्द्रियाणां मनश्चास्मि भूतानामस्मि चेतना ॥

vedānāṃ sāmavedo'smi devānāmasmi vāsavaḥ |indriyāṇāṃ manaścāsmi bhūtānāmasmi cetanā ||

वेदों में मैं सामवेद हूँ, देवताओं में इंद्र। इंद्रियों में मैं मन हूँ और प्राणियों में चेतना।

रुद्राणां शंकरश्चास्मि वित्तेशो यक्षरक्षसाम् ।वसूनां पावकश्चास्मि मेरुः शिखरिणामहम् ॥

rudrāṇāṃ śaṃkaraścāsmi vitteśo yakṣarakṣasām |vasūnāṃ pāvakaścāsmi meruḥ śikhariṇāmaham ||

रुद्रों में मैं शंकर हूँ, यक्षों और राक्षसों में धन के स्वामी कुबेर। वसुओं में मैं अग्नि हूँ और पर्वतों में मेरु।

पुरोधसां च मुख्यं मां विद्धि पार्थ बृहस्पतिम् ।सेनानीनामहं स्कन्दः सरसामस्मि सागरः ॥

purodhasāṃ ca mukhyaṃ māṃ viddhi pārtha bṛhaspatim |senānīnāmahaṃ skandaḥ sarasāmasmi sāgaraḥ ||

हे पार्थ, पुरोहितों में मुझे मुख्य पुरोहित बृहस्पति जानो। सेनापतियों में मैं स्कंद हूँ और जलाशयों में समुद्र।

महर्षीणां भृगुरहं गिरामस्म्येकमक्षरम् ।यज्ञानां जपयज्ञोऽस्मि स्थावराणां हिमालयः ॥

maharṣīṇāṃ bhṛgurahaṃ girāmasmyekamakṣaram |yajñānāṃ japayajño'smi sthāvarāṇāṃ himālayaḥ ||

महर्षियों में मैं भृगु हूँ, वाणी में एक अक्षर ओम। यज्ञों में मैं जप यज्ञ हूँ और अचल चीज़ों में हिमालय।

अश्वत्थः सर्ववृक्षाणां देवर्षीणां च नारदः ।गन्धर्वाणां चित्ररथः सिद्धानां कपिलो मुनिः ॥

aśvatthaḥ sarvavṛkṣāṇāṃ devarṣīṇāṃ ca nāradaḥ |gandharvāṇāṃ citrarathaḥ siddhānāṃ kapilo muniḥ ||

पेड़ों में मैं पीपल हूँ, देवर्षियों में नारद। गंधर्वों में मैं चित्ररथ हूँ और सिद्धों में कपिल मुनि।

उच्चैःश्रवसमश्वानां विद्धि माममृतोद्भवम् ।ऐरावतं गजेन्द्राणां नराणां च नराधिपम् ॥

uccaiḥśravasamaśvānāṃ viddhi māmamṛtodbhavam |airāvataṃ gajendrāṇāṃ narāṇāṃ ca narādhipam ||

घोड़ों में मुझे अमृत से उत्पन्न उच्चैःश्रवा जानो, श्रेष्ठ हाथियों में ऐरावत, और मनुष्यों में राजा।

आयुधानामहं वज्रं धेनूनामस्मि कामधुक् ।प्रजनश्चास्मि कन्दर्पः सर्पाणामस्मि वासुकिः ॥

āyudhānāmahaṃ vajraṃ dhenūnāmasmi kāmadhuk |prajanaścāsmi kandarpaḥ sarpāṇāmasmi vāsukiḥ ||

हथियारों में मैं वज्र हूँ, गायों में कामधेनु। संतान उत्पन्न करने वाला कामदेव मैं हूँ, और सर्पों में वासुकि।

अनन्तश्चास्मि नागानां वरुणो यादसामहम् ।पितॄणामर्यमा चास्मि यमः संयमतामहम् ॥

anantaścāsmi nāgānāṃ varuṇo yādasāmaham |pitṝṇāmaryamā cāsmi yamaḥ saṃyamatāmaham ||

नागों में मैं अनंत हूँ, जल के प्राणियों में वरुण। पितरों में मैं अर्यमा हूँ और नियम पालन करवाने वालों में यम।

प्रह्लादश्चास्मि दैत्यानां कालः कलयतामहम् ।मृगाणां च मृगेन्द्रोऽहं वैनतेयश्च पक्षिणाम् ॥

prahlādaścāsmi daityānāṃ kālaḥ kalayatāmaham |mṛgāṇāṃ ca mṛgendro'haṃ vainateyaśca pakṣiṇām ||

दैत्यों में मैं प्रह्लाद हूँ, गिनती करने वालों में काल। पशुओं में मैं सिंह हूँ और पक्षियों में विनता के पुत्र गरुड़।

पवनः पवतामस्मि रामः शस्त्रभृतामहम् ।झषाणां मकरश्चास्मि स्रोतसामस्मि जाह्नवी ॥

pavanaḥ pavatāmasmi rāmaḥ śastrabhṛtāmaham |jhaṣāṇāṃ makaraścāsmi srotasāmasmi jāhnavī ||

पवित्र करने वालों में मैं वायु हूँ, शस्त्र धारण करने वालों में राम। जलचरों में मैं मकर हूँ और नदियों में गंगा।

सर्गाणामादिरन्तश्च मध्यं चैवाहमर्जुन ।अध्यात्मविद्या विद्यानां वादः प्रवदतामहम् ॥

sargāṇāmādirantaśca madhyaṃ caivāhamarjuna |adhyātmavidyā vidyānāṃ vādaḥ pravadatāmaham ||

हे अर्जुन, सभी सृष्टियों का आरंभ, अंत और मध्य मैं हूँ। विद्याओं में मैं अध्यात्म विद्या हूँ और वाद विवाद करने वालों में सत्य खोजने वाला तर्क हूँ।

अक्षराणामकारोऽस्मि द्वन्द्वः सामासिकस्य च ।अहमेवाक्षयः कालो धाताहं विश्वतोमुखः ॥

akṣarāṇāmakāro'smi dvandvaḥ sāmāsikasya ca |ahamevākṣayaḥ kālo dhātāhaṃ viśvatomukhaḥ ||

अक्षरों में मैं "अ" हूँ, समासों में द्वंद्व समास। मैं ही अनंत काल हूँ और मैं ही सब ओर मुख वाला रचयिता हूँ।

मृत्युः सर्वहरश्चाहमुद्भवश्च भविष्यताम् ।कीर्तिः श्रीर्वाक्च नारीणां स्मृतिर्मेधा धृतिः क्षमा ॥

mṛtyuḥ sarvaharaścāhamudbhavaśca bhaviṣyatām |kīrtiḥ śrīrvākca nārīṇāṃ smṛtirmedhā dhṛtiḥ kṣamā ||

मैं सब कुछ हर लेने वाली मृत्यु हूँ और आने वालों का जन्म हूँ। स्त्री वाचक गुणों में मैं कीर्ति, श्री, वाणी, स्मृति, मेधा, धृति और क्षमा हूँ।

बृहत्साम तथा साम्नां गायत्री छन्दसामहम् ।मासानां मार्गशीर्षोऽहमृतूनां कुसुमाकरः ॥

bṛhatsāma tathā sāmnāṃ gāyatrī chandasāmaham |māsānāṃ mārgaśīrṣo'hamṛtūnāṃ kusumākaraḥ ||

साम गीतों में मैं बृहत्साम हूँ, छंदों में गायत्री। महीनों में मैं मार्गशीर्ष हूँ और ऋतुओं में फूलों वाली वसंत ऋतु।

द्यूतं छलयतामस्मि तेजस्तेजस्विनामहम् ।जयोऽस्मि व्यवसायोऽस्मि सत्त्वं सत्त्ववतामहम् ॥

dyūtaṃ chalayatāmasmi tejastejasvināmaham |jayo'smi vyavasāyo'smi sattvaṃ sattvavatāmaham ||

छल करने वालों में मैं जुआ हूँ, तेजस्वियों का तेज हूँ। मैं विजय हूँ, मैं दृढ़ प्रयास हूँ, और सात्त्विक लोगों का सत्त्व हूँ।

वृष्णीनां वासुदेवोऽस्मि पाण्डवानां धनंजयः ।मुनीनामप्यहं व्यासः कवीनामुशना कविः ॥

vṛṣṇīnāṃ vāsudevo'smi pāṇḍavānāṃ dhanaṃjayaḥ |munīnāmapyahaṃ vyāsaḥ kavīnāmuśanā kaviḥ ||

वृष्णि वंश में मैं वासुदेव हूँ, पांडवों में धनंजय (अर्जुन)। मुनियों में मैं व्यास हूँ और कवियों में उशना कवि।

दण्डो दमयतामस्मि नीतिरस्मि जिगीषताम् ।मौनं चैवास्मि गुह्यानां ज्ञानं ज्ञानवतामहम् ॥

daṇḍo damayatāmasmi nītirasmi jigīṣatām |maunaṃ caivāsmi guhyānāṃ jñānaṃ jñānavatāmaham ||

दमन करने वालों में मैं दंड हूँ, जीत चाहने वालों में नीति। रहस्यों में मैं मौन हूँ और ज्ञानियों में ज्ञान।

यच्चापि सर्वभूतानां बीजं तदहमर्जुन ।न तदस्ति विना यत्स्यान्मया भूतं चराचरम् ॥

yaccāpi sarvabhūtānāṃ bījaṃ tadahamarjuna |na tadasti vinā yatsyānmayā bhūtaṃ carācaram ||

हे अर्जुन, जो सभी प्राणियों का बीज है, वह मैं हूँ। कोई भी चर या अचर प्राणी ऐसा नहीं है जो मेरे बिना हो।

नान्तोऽस्ति मम दिव्यानां विभूतीनां परन्तप ।एष तूद्देशतः प्रोक्तो विभूतेर्विस्तरो मया ॥

nānto'sti mama divyānāṃ vibhūtīnāṃ parantapa |eṣa tūddeśataḥ prokto vibhūtervistaro mayā ||

हे परंतप, मेरी दिव्य विभूतियों का कोई अंत नहीं है। मैंने जो बताया है, वह उनके विस्तार का एक छोटा सा उदाहरण ही है।

अथवा बहुनैतेन किं ज्ञातेन तवार्जुन ।विष्टभ्याहमिदं कृत्स्नमेकांशेन स्थितो जगत् ॥

athavā bahunaitena kiṃ jñātena tavārjuna |viṣṭabhyāhamidaṃ kṛtsnamekāṃśena sthito jagat ||

पर हे अर्जुन, यह सब विस्तार से जानने की तुम्हें क्या ज़रूरत है? मैं अपने एक अंश से इस पूरे जगत को धारण करके स्थित हूँ।