Anger

Kodhaṁ jahe vippajaheyya mānaṁ,Saṁyojanaṁ sabbamatikkameyya;Taṁ nāmarūpasmimasajjamānaṁ,Akiñcanaṁ nānupatanti dukkhā.

कोधं जहे विप्पजहेय्य मानं,संयोजनं सब्बमतिक्कमेय्य ।तं नामरूपस्मिमसज्जमानं,अकिञ्चनं नानुपतन्ति दुक्खा ॥

Give up anger, get rid of conceit, and escape every fetter. Sufferings don’t befall one who has nothing, not clinging to name and form.

Saccaṁ bhaṇe na kujjheyya,dajjā appampi yācito;Etehi tīhi ṭhānehi,gacche devāna santike.

सच्चं भणे न कुज्झेय्य,दज्जा अप्पम्पि याचितो ।एतेहि तीहि ठानेहि,गच्छे देवान सन्तिके ॥

Speak the truth, do not be angry, and give when asked, if only a little. By these three means, you may enter the presence of the gods.

Ahiṁsakā ye munayo,niccaṁ kāyena saṁvutā;Te yanti accutaṁ ṭhānaṁ,yattha gantvā na socare.

अहिंसका ये मुनयो,निच्चं कायेन संवुता ।ते यन्ति अच्चुतं ठानं,यत्थ गन्त्वा न सोचरे ॥

Those harmless sages, always restrained in body, go to the state that does not pass, where there is no sorrow.

Sadā jāgaramānānaṁ,ahorattānusikkhinaṁ;Nibbānaṁ adhimuttānaṁ,atthaṁ gacchanti āsavā.

सदा जागरमानानं,अहोरत्तानुसिक्खिनं ।निब्बानं अधिमुत्तानं,अत्थं गच्छन्ति आसवा ॥

Always wakeful, practicing night and day, focused only on extinguishment, their defilements come to an end.

Na cāhu na ca bhavissati,na cetarahi vijjati;Ekantaṁ nindito poso,ekantaṁ vā pasaṁsito.

न चाहु न च भविस्सति,न चेतरहि विज्जति ।एकन्तं निन्दितो पोसो,एकन्तं वा पसंसितो ॥

There never was, nor will be, nor is there today, someone who is wholly praised or wholly blamed.

Yañce viññū pasaṁsanti,anuvicca suve suve;Acchiddavuttiṁ medhāviṁ,paññāsīlasamāhitaṁ.

यञ्चे विञ्ञू पसंसन्ति,अनुविच्च सुवे सुवे ।अच्छिद्दवुत्तिं मेधाविं,पञ्ञासीलसमाहितं ॥

If, after watching them day in day out, discerning people praise that sage of impeccable conduct, endowed with ethics and wisdom;

Nikkhaṁ jambonadasseva,ko taṁ ninditumarahati;Devāpi naṁ pasaṁsanti,brahmunāpi pasaṁsito.

निक्खं जम्बोनदस्सेव,को तं निन्दितुमरहति ।देवापि नं पसंसन्ति,ब्रह्मुनापि पसंसितो ॥

like a pendant of Black Plum River gold, who is worthy to criticize them? Even the gods praise them, and by the Divinity, too, they’re praised.

Kāyappakopaṁ rakkheyya,kāyena saṁvuto siyā;Kāyaduccaritaṁ hitvā,kāyena sucaritaṁ care.

कायप्पकोपं रक्खेय्य,कायेन संवुतो सिया ।कायदुच्चरितं हित्वा,कायेन सुचरितं चरे ॥

Guard against ill-tempered deeds, be restrained in body. Giving up bad bodily conduct, conduct yourself well in body.

Vacīpakopaṁ rakkheyya,vācāya saṁvuto siyā;Vacīduccaritaṁ hitvā,vācāya sucaritaṁ care.

वचीपकोपं रक्खेय्य,वाचाय संवुतो सिया ।वचीदुच्चरितं हित्वा,वाचाय सुचरितं चरे ॥

Guard against ill-tempered words, be restrained in speech. Giving up bad verbal conduct, conduct yourself well in speech.

Manopakopaṁ rakkheyya,manasā saṁvuto siyā;Manoduccaritaṁ hitvā,manasā sucaritaṁ care.

मनोपकोपं रक्खेय्य,मनसा संवुतो सिया ।मनोदुच्चरितं हित्वा,मनसा सुचरितं चरे ॥

Guard against ill-tempered thoughts, be restrained in mind. Giving up bad mental conduct, conduct yourself well in mind.

Kāyena saṁvutā dhīrā,atho vācāya saṁvutā;Manasā saṁvutā dhīrā,te ve suparisaṁvutā.Kodhavaggo sattarasamo.

कायेन संवुता धीरा,अथो वाचाय संवुता ।मनसा संवुता धीरा,ते वे सुपरिसंवुता ॥कोधवग्गो सत्तरसमो ॥

An attentive one is restrained in body restrained also in speech, in thought, too, they are restrained: they are restrained in every way.